Ko te kupu taurangi a Te Uiuinga Mana Karauna mō te Tūkino i ngā Tauwhirotanga ki te Tiriti o Waitangi The Royal Commission of Inquiry into Abuse in Care’s commitment to te Tiriti o Waitangi

Ngā Kupu Tohutoro me te Tiriti o Waitangi

Ko Te Uiuinga Mana Karauna mō te Tūkino i ngā Tauwhirotanga ka taurangi ki ngā here o te Tiriti o Waitangi i ō mātou Kupu Tohutoro.

Me āta whakaaro te uiuinga ki ngā pānga Māori, me te mōhio e noho pāhikahika a ngāi Māori ina koa i te tauwhirotanga.

Me noho Te Tiriti o Waitangi me ōna mātāpono hei tūāpapa mō te uiuinga ā, ka mahitahi me ngāi Māori tae noa ki te mutunga.

Ngā mātāpono whaitake o te Tiriti o Waitangi

Ko ngā mātāpono tino whaitake mō te uiuinga, e ai ki Te Kooti me Te Taraipiunara o Waitangi e whai ake nei (ēngari ehara ko ēnei anake):

Te mātāpono Mahitahitanga

Ka mahi mātou i runga i te tika, te pono te māramatanga.

Te mātāpono Tino Rangatiratanga

Ka aro atu mātou ka whakaute ki te tino rangatiratanga o te Māori o te whānau o te hapū te iwi hoki.

Te mātāpono Kāwanatanga

Ka haere tahi te Kāwanatanga me ngā tikanga pai e haumaru ai te tino rangatiratanga kia kaua e mimiti.

Te mātāpono Kaha Whakahaumaru

Ka taunakitia te uiuinga e te mātāpono kaha whakahaumaru ki ngā pānga Māori.

Te mātāpono Mana Taurite

Me ū kia matatika i waenga ngāi Māori me tauiwi. Kaua ngā take o iwi kē atu e mairanga kia mimiti ō ngai Māori.

Te mātāpono Puretumu

E ai mātou ka hē ki muri ka utu ki mua. Nō te whānuitangā o ngā hononga o te Tiriti tēnei mātāpono, otirā nō te Mahitahitanga, nō te Kaha Whakahaumaru me te Mana Taurite. Tuturu ka whaiwhakaaro tika te mātāpono Puretumu i o tātou uiuinga.

O mātou manawanui haere ake nei ki te Tiriti o Waitangi me ngāi Māori

E arotia ana e Te Uiuinga Mana Karauna mō te Tūkino i ngā Tauwhirotanga ka haere tonutia o mātou takohanga raro i te Tiriti o Waitangi.