(Māori) He Purapura Ora, he Māra Tipu Kia Torowhānui te Puretumu
Ko te kaupapa o te rīpoata nei ko te oke a ngā huhua purapura ora o te tūkinotanga i te wā o te noho taurima kia whakahaumanutia ai ō rātau ao, kia whakahokia ai ō rātau mana, ā, kia whai utu ai rātou i te Karauna o mua, o nāianei hoki, me ngā wāhi taurima a te Karauna, ā-wāhi whakapono anō hoki, hei whakaea i te tūkinotanga i pā nei ki ā rātau, ki ngā purapura ora.
Ka nui tā mātou tiaki me te hāpai ake i te mana o ngā purapura ora i māia rawa atu nei ki te whāriki i ā rātou kōrero ki konei. Kei te mōhio mātou ka oho pea te mauri i ētahi wāhanga o ngā kōrero nei e pā ana ki te tūkino, te whakatūroro me te pāmamae, ā, tērā pea ka tākirikirihia ngā tauwharewarenga o te ngākau tangata i te kaha o te tumeke. Ahakoa kāore pea tēnei urupare e tau pai ki te wairua o te tangata, e pai ana te rongo i te pōuri. Heoi, mehemea ka whakataumaha tēnei i ētahi o tō whānau, me whakapā atu ki tō tākuta, ki tō ratonga hauora rānei.
Whakautetia ngā kōrero a ētahi, kia tau te mauri, tiakina te wairua, ā, kia māmā te ngākau.